Lars Sponheim vart fredag klokka 11 utnemnd til fylkesmann i Hordaland i statsråd på slottet.

Regjeringa har halde korta tett til brystet heilt til i dag om kven som skulle få stillinga, og seint i går kveld hadde ingen av kandidatane høyrt noko om kven som får og kven som ikkje får jobben, skriv Bergens Tidende på nett.

Valet av Sponheim inneber at regjeringa har vraka ein av sine eigne, tidlegare stortingsrepresentant og statsråd Reidar Sandal (Ap) frå Florø.

Ifølgje Bergens Tidende har det vore sterkt delte meiningar i Ap i synet på valet mellom Sponheim og Sandal.