Fjaler Sparebank og Sparebanken Sogn og Fjordane seier ja til å slå seg saman. Det vart klart under møte i forstandarskapa fredag.

– 19 av 20 var positive til samanslåing, fortel leiar i forstandarskapet i Fjaler Sparebank, Jonn Helle. Samstundes sa 40 av 43 ja i forstandarskapet i Sparebanken Sogn og Fjordane. Det opplyser leiar Elin Schei Stuhaug.

– Dette betyr at vi saman får meir muskelkraft som samfunnsaktør og bank, seier Schei Stuhaug, som er nøgd med at så mange støttar fusjon.

Ho opplyser at grunnen til at tre valde å seie nei, hadde med storleiken på nytt forstandarskap å gjere.

No må fusjonsplanane vidare til Finansdepartementet og Kredittilsynet for godkjenning og endeleg avgjerd.

Ifølgje Schei Stuhaug, vil samanslåinga skje mellom september og oktober 2010.