Den unge sogningen stod tiltalt i Fjordane tingrett for ei rekkje tiltalepunkt som skjedde mellom 2008 og januar 2010.

90 dagar i fengsel

Mannen fekk 90 dagar i fengsel, der 30 er på vilkår med to års prøvetid.

I skjerpande retning legg retten vekt på at tiltakte har gjort liknande lovbrot tidlegare.

At mannen har tilstått mange av forholda, samt at ein del av sakene han var tiltalt for er for gamle, var i formildande omstende.

25 lovbrot

Her er nokon av dei 25 lovbrota som han blei dømd før i Fjordane tingrett nyleg.

• Tjuveri av 91 tablettar på omsorgsheimen i Høyanger.

• Tjuveri av ein berbar data og eit minibankkort. Tiltalte tok ut minst 11. 500 kroner frå kontoen til vedkommande.

• Ein softgun på lensmannskontoret i Høyanger blei for freistande og mannen stal denne med seg. Han måtte også svare for å gå rundt i sentrum med softgun.

• Innbrot i eit hus i Høyanger, kjøp av alkohol til fire unggutar under 18 år og tjuveri av ein bil som han køyrde i påverka tilstand.

• I august 2008 sparka mannen inn ei bakluke på ein bil, hoppa og klatra på den slik at den fekk lakk- og karosseriskadar

Alt i alt måtte mannen svare for dette:

8 tilfelle av brot på legemiddellova i samband med bruk, sal og innehaving av narkotiske stoff

5 tilfelle av tjuveri.

2 tilfelle av brot på vegtrafikklova,

3 tilfelle av nasking

2 tilfelle av skadeverk

2 tilfelle av erverv av narkotika

1 tilfelle av bilbrukstjuveri

1 tilfelle av sal av alkohol til mindreårige

1 brot på våpenlova.