- Dersom SAS skulle gå konkurs, vil det vere dramatisk for distrikts-Norge. Ikkje på grunn av SAS, men fordi dei eig Widerøe. Utan Widerøe stoppar distrikts-Norge, seier ein bekymra Magnus Stangeland, styreformann i Bergen Group, til NA24.

- Mjølkar Widerøe

Ifølgje nettstaden veks røystene som krev at Widereøe blir skilt ut frå SAS, både i tal og styrke.

Bekymringa er at SAS på grunn av sine vanskelege finansielle situasjon, mjølkar Widerøe økonomisk år for år. I tillegg trur kritikarane at konsekvensane for distrikts-Norge blir dramatiske dersom SAS skulle gå konkurs.

SAS treng milliardar frå eigarane sine for å overleve, og den danske kabinforeininga er den einaste fagforeininga som ikkje har inngått avtale om kutt i lønns- og arbeidsvilkår. Dette kan setje heile selskapet i fare, meiner norske og svenske fagforeiningar i SAS.

Ville roa nervane

Stangeland seier til NA24 at eit sal av Widerøe ville roa nervane.

-Dersom SAS går konkurs, vl det sette Widerøe i ein ekstremt vanskeleg situasjon. Vi risikerer at ein ny aktør kjem inn og berre tek dei feite rutene innanlands, slik at Widerøe som lever av å mate SAS via distrikta, blir kraftig redusert, seier Magnus Stangeland.