Sellevåg treskofabrikk i Gulen er eitt av anlegga som i 2010 får støtte frå Riksantikvaren over statsbudsjettet.

Fabrikken får i år 477.000 kroner i prosjekttilskot til istandsetting.

- Sellevåg treskofabrikk er ei lita industriperle inst i Gulen, skriv Riksantikvaren i ei pressemelding.

Det var produksjon av tresko her mellom 1899 og 1972. Frå 1952 var også sagbruk ei viktig brikke i produksjonslinja.

Sidan 1994 har Sellevåg treskofabrikk vore fokusert på som eit viktig teknisk-industrielt kulturminne, og har fått store beløp av Riksantikvaren til istandsetjing.

Det er venta at anlegget er ferdig til normalt vedlikehaldsnivå i 2011.