Berre 3 av 4 av elevane som tek til på vidaregåande skule i Sogn og Fjordane i 2003 har fullført vidaregåande utdanning innan i fjor.

- For dårleg jobb

21 % av elevane fullførte ikkje utdanninga. Det viser tall frå Statistisk sentralbyrå. No krev Unge Venstre handling.

– Fråfallsprosenten held seg på same nivå som for tre år sidan. Det er skremmande at ikkje gode tiltak for å redusere utviklinga er komme i gong. Det er gjort ein for dårleg jobb, seier leiar i Sogn og Fjordane Unge Venstre, Aleksander Nygard Åsnes i ei pressemelding.

Verst i yrkesfag

– Fråfallet er størst i yrkesfaga. Det er alt for mange døme på klassar der meir enn halvparten av elevane sit att ved årsslutt. Dette må takast fatt i, seier Åsnes

Unge Venstre meiner styrking av rådgjevartenesta og mindre teori på yrkesfag er to viktige tiltak for å gjere den vidaregåande opplæringa i Sogn og Fjordane betre.

Kostar 1 milliard

– Fråfallet kostar samfunnet ein milliard kroner i året. Tiltak som vil redusere drop-out prosenten, kan dermed føre til mindre utgifter for det offentlege som igjen kan investerast i andre gode tiltak for å lage ein god skule, seier Åsnes