Bygdeutviklingspris til driftig Værlandet-kvinne
Prisen, som er på 25 000 kroner, vart overrekt av fylkesordførar Nils R. Sandal ved opninga av fylkestingseta onsdag.
Leiaren i juryen, Rasmus Felde, sa i samband med overrekkinga at Magni Blom Landøy viste ungdommeleg pågangsmot og grundig planlegging då ho med etablerarstipend frå BU starta med garnmontering og andre servicefunksjonar i ei ominnreidd sjøbu.
Seinare reiste ho eit eige maritimt servicebygg i Værøyhamn.
- Juryen har stor respekt for måten verksemda er utvikla på. Magni Blom Landøy står som eit døme for både kvinner og menn som i ung alder vil og kan nytte eigne evner til å skape sine eigne arbeidsplassar og lønsame verksemder i lokalsamfunnet, sa Felde.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
