Havyard-gruppa eig 100 prosent av aksjane i skipsverftet i Leirvik i Sogn.

Havyard Electric Systems vart etablert i fjor sommar for at konsernet skulle få kontroll på elektriske motorar til framdrift og drift av propellar.

Aksjar til ny dagleg leiar

No sel konsernet 65 prosent av aksjane til den nye daglege leiaren Jan Berg og andre nøkkelpersonar.

Selskapet endrar samstundes namn til Norwegian Electric Systems AS.

Jan Berg har base i Bergen og selde for ei tid sidan Scandinavian Electric Systems til Rolls Royce.

Ventar raskare utvikling

Havyard Group sit igjen med 35 prosent av aksjane og vert ein rein finansiell investor.

- Norwegian Electric Systems er en kunnskapsbedrift der verdien av selskapet og evna til å oppnå resultat er avhengig av motiverte tilsette med sterk kjernekompetanse, heiter det i ei pressemelding frå informasjonsdirektør Gunnar Larsen og divisjonsleiar Tor Leif Mongstad.

- Gjennom denne transaksjonen vil vi sikre eigarskap og engasjement og ventar enda raskere utvikling og betre resultat, uttalar dei vidare.

Mongstad ut som dagleg leiar

Tor Leif Mongstad gjekk tidlegare av som verftsdirektør ved Havyard Leirvik og over i ny stilling som leiar for divisjonen for skipsutstyr i Havyard Group. Han er ein del av konsernleiinga med kontorstad i Fosnavåg på Sunnmøre.

Han har fram til no også vore dagleg leiar for Havyard Electric Systems, men skal heretter konsentrere seg om jobben som divisjonsleiar.