Hydrogensulfidgassen frå naturreservatet Kyllaren i Askvoll er også blitt plagsamt merkbar for innbyggjarane på Værlandet.

- Det luktar kloakk og rotne egg, seier Arnt-Henning Blom til NRK Sogn og Fjordane.

Firda skreiv tidlegare om bebuarar like ved Kyllaren som følte seg uvel og dårlege på grunn av lukta frå gassen hydrogensulfid som siv opp frå naturreservatet i Askvoll.

Les også: Vigdis bur i ei giftig stinkbombe

Då kjende ein god stanken frå den illeluktande og farlege gassen i heile Askvoll sentrum. No har lukta altså nådd langt til havs i kommunen, fleire mil frå kjelda.

Blom fortel at fleire på Værlandet først trudde det var noko gale med kloakkanlegget i heimane deira, før dei oppdaga at lukta kom heilt frå Askvoll sentrum.