Fylkesleiar Torbjørn Vereide i AUF Sogn og Fjordane meiner alle under 30 år bør slettast frå kyrkja sine medlemsregister.

20-åringen reiser debatten under helgas fylkesårsmøte i AUF, og dersom innspelet får fleirtal er han klar til å fremje saka til fylkesårsmøtet i moderpartiet.

- Eg synest det er synd viss fleire hundre tusen nordmenn er medlem i ein klubb dei ikkje føler dei høyrer heime i, verken fysisk eller psykisk. At det er slik skuldast i stor grad at det er så vanskeleg å melde seg ut, at berre eit fåtal tek dette initiativet, seier Vereide til Firda i dag.

Kva synest du? Sei di meining i kommentarfeltet under artikkelen.

Samstundes som alle under 30 år bør slettast frå medlemsregistera, meiner AUF-leiaren at det bør etablerast ei nettside eller ei SMS-teneste der dei som vil vere medlem i statskyrkja kan melde seg inn.

Vereide peikar på at kyrkja har stor ideologisk makt i kraft av at dei har mange medlemmer.

- Dersom kyrkja veit at dei som er medlemmer er det fordi dei aktivt har sagt ja til det, meiner eg det vil gje kyrkja større identitet, seier Vereide.

Grensa på 30 år har han føreslått som eit utgangspunkt for å drøfte prinsippet.

- Men dei under 30 år han dterer digitale medium problemfritt, og kan dermed bruke nettet til å melde seg inn, seier Vereide.