Etter fleire dårlege år for pelsdyroppdrettarane, ser det no ut til å snu.

Ifølgje Firda Tidend, har enkelte skinnsortar ein prisoppgang på 30 prosent.

Marknader spør etter blårev igjen

– Det ser ikkje ut til at pelsnæringa er blitt særleg råka av finanskrisa, seier leiar i Fjordane pelsdyralslag, Vidar Heggheim, som før jul fekk ein peikepinn på prisutviklinga gjennom desemberauksjonen i Helsingfors.

Han seier til avisa at blårevskinn har fått eit kraftig løft samanlikna med tidlegare. Mange marknader spør etter blårev igjen.

Mink held seg stabilt, som den har gjort i fleire år. Sølvrev trur han stagnerer.

- Helst ikkje for stor oppgang

Også Atle Roger Evebø, som har eit av dei nyaste pelsdyrgardane i regionen, seier han likeins med pelsdyralslag-leiaren er positiv. Men han ønskjer ikkje noko stor oppgang på sikt. Det kan nemleg føre til overetablering igjen, seier han til Firda Tidend.

Akjonane har øydelangt, meiner Heggheim

Leiaren i Fjordane pelsdyralslag, Vidar Heggheim, trur likevel at alle aksjonane mot næringa har vore øydeleggjande.

– Talet på pelsdyroppdrettarar er redusert dei siste åra. Det er trist, meiner han.

Han seier alle demonstrasjonane har gjort det vanskelegare å drive med pelsdyr.