Det kan gå mot avvikling av drifta på Kleven Maritime i løpet av første 2010.

Avviklar

På eit informasjonsmøte i Førde i dag fekk dei tilsette ved Kleven Verft si avdeling i Førde melding om at det vert innleia drøftingar med fagforeiningane med sikte på avvikling av drifta i Førde.

Dette melder selskapet i ei pressemelding.

Kleven Maritime har leigd anlegget sidan juni 2008, og har 59 tilsette derav 55 i produksjonen og 4 administrative stillingar. I tillegg har ein til ei kvar tid ei rekke underleverandørar på plassen.

Svak marknad

Den svake marknaden for nye offshorefarty er årsaka til at det går mot avvikling. I tillegg er den eksisterande ordreboka strekt litt ut i tid, noko som gjer at kapasiteten i Førde ikkje lenger er nødvendig for gjennomføringa av det noverande byggjeprogrammet.

Selskapet understrekar at dei jobbar hardt for å få nye oppdrag for avdelinga i Førde.