Grunneigar Jon Flom i Førde lanserer ideen om gondolbane til 50 millionar i staden for bysti til Hafstadfjellet.

- Vil gi Førde identitet

– Ei gondolbane vil kunne ta med rullestolbrukarar, syklar, skituristar og bringe dei til topps på 3 minutt. Denne vil gje Førde ein identitet og kan sannsynlegvis delfinansierast med tippemidlar, seier Flom som har vore i kontakt med den svenske produsenten Doppelmayr Skandinavia for å hente inn tekniske data og prisar.

Restuarant på toppen

Ifølgje produsenten i selskapet er prislappen på ein gondoblane på omlag 50 millionar. På toppen av anlegget er det råd å ha eit bygg som kan huse ein liten kafé eller restaurant.

• Er gondolbane betre enn bysti? Sei di meining i kommentarfeltet under

- Turistar ikkje i «bysti-modus»

Den planlagde bystien er berre for dei få, meiner Flom.

– Folk som kjem til Førde, har ikkje gymtøy i bagasjen og er dermed ikkje i «bysti-modus». Stien vil også utelukke uføre og rørslehemma i tillegg til at det vil vere for farleg for gamle å gå i trinna store delar av året. Tenk deg sjølv når snøen kjem, eller det ligg eit tynt islag på steinane. Bystien er for lite gjennomtenkt og prosjektet bør aldri igangsetjast.