...

Han vil selje deg TV- en du kan putte i lomma

Men så langt er det få som har latt seg overtyde av sunnfjordingen

Publisert 11.11.2009 kl 15:09 Oppdatert 11.11.2009 kl 15:09

Tips ein venn på e-post:



Så langt har 5000 folk i hovudstaden kjøpt mini-tv, og no håper naustedølen Gunnar Garfors, som er dagleg leiar i Norges Minitv (NMTV) at fleire i landet vil skaffe seg duppeditten.

Avgrensa dekning

TV- en gir deg kanalane NRK1, NRK2, NRK3, TV3, TV2 og TV2 Nyhetskanalen og du betalar berre for det sjølve TV- en kostar.

Salet starta for tre månader sidan i Oslo, for det er berre her ein får inn dekning.

– Vi er kjempefornøgde, seier Garfors om salet på 5000 til VG.no

Vil utvide dekninga

Han meiner dette talet er mykje høgre enn kva andre land har å vise til.

No håper naustedølen at dei greier å tene nok pengar slik at dei kan utvide dekninga.

– Neste skritt blir å få dekning på Gardermoen, og på t-bana under bakken. Så vil vi utvide til dei største byane. Men for å utvide, må vi først tene pengar, seier Garfors.

For pendlarar og sportsentusiastar

Målgruppa er pendlarar som nyttar mykje kollektiv transport, sportsentusiastar, foreldre som vil gi borna underhaldning i baksetet og studentar som ikkje har råd til lisensen.

Minitv krev nemleg ikkje registrering.

Kritikk for formatval

Selskapet har fått kritikk for formatvalet. Det konkurrerande formatet DVB-H blir av mange nemnt som formatet ein bør satse på sidan mobilbransjen har fatta størst interesse for dette.

På framsida no


Kan vere dramatisk for ei sårbar elv

Førde elve-eigarlag har i haust fått inn fleire meldingar om tjuvfiske i Jølstra.

Varsla rømminga laurdag

– Vi veit førebels ikkje kor mykje laks som har rømt, seier administrerande direktør Carl Erik Arnesen i Firda sjøfarmer.