Skjærgårdstreff 2009 i Askvoll sørgde for at politiet måtte rykkje ut fleire gongar i løpet av laurdagskvelden.

Oppga falsk identitet
I halv eit-tida natt til søndag tok politiet kontakt med ein overstadig rusa ungdom. Guten skal ha oppgitt falsk identitet, og prøvde å stikke av frå politiet.

Politiet innhenta og fekk identifisert han. Ein bror av vedkomande sørgde for at han kom seg trygt heim.

Guten vert meldt for å ha oppgitt eit falsk identitet til politiet.

Åtak på vakt
Då klokka bikka halv to vart det meld om åtak på ei vakt utanfor Askvoll sjøbuer.

Vakta skal ha gjort forsøk på å skilje ein slåstkamp. Politiet kom til staden etter kort tid.

Feststøy
Ti minutt seinare vart det varsla om feststøy ved eit husvære i Askvoll. Politiet måtte gi fleire meldingar før festen vart avslutta.

Slo ut tann
Politiet fekk ein pust i bakken, då neste slåstkamp ikkje fann stad før klokka var halv fire.
To kompisar skal ha hamna i slåstkamp. Ein av dei fekk slått ut ei tann.

Slåstkampen var over då politiet kom til staden. Mennene skal ha komme til staden i same båt.