Sparebanken Sogn og Fjordane si avdeling i Hyllestad gav onsdag Randi Førsund 28 000 kroner i støtte til filmprosjektet «Hemnaren».

Håpar fleire bidreg

– Vi har orientert kommunen og fylkeskommunen om pengegåva. Kanskje kan det bidra til at fleire vel å støtte Førsund no i innspurten, seier Håkon Giil, som er representantskapsmedlem i banken.

Avgjerande

At den lokale banken hennar vel å støtte Førsund ser ho sjølv som avgjerande for filmen.

– Det er mykje reising for tida, noko eg ikkje hadde fått gjennomført om det ikkje hadde vore for desse midlane, seier Førsund.

Tek ikkje mot pengar frå kven som helst

Førsund seier at ho ikkje er interessert i å ta mot pengar frå kven som helst.

– Kvar pengane kjem frå er viktig. I starten kunne det sjå ut som det var mest Nord-Norge som ville gi meg støtte, men denne pengegåva gjer at filmen kan verte meir regional, seier Førsund.