Dei var ikkje i tvil om kven som skulle ha pris for kulaste båt.

Spesielt rask var den ikkje. Bedriftslaget frå Nortronik nådde ikkje ein gong pallplass, i den fartsfylde styrkeprøven som Sommarfesten i Førde arrangerte midt på dagen laurdag.

Men dei vann den kanskje viktigaste prisen: kulaste båt. Dermed vankar det middag, drikke og spa. det same gjeld deltakarane frå Førde Sport.

I tillegg til båtracet i Jølstra, innebar stafetten både pilkast på ballongar, traktordekkvelting, trillebårtrilling, springing på land og springing i vatn, der to personar bar tredjemann på laget.