Ein sogning importerte 60 tablettar med narkotisk stoff frå Argentina. No er han dømd til 14 dagar fengsel på vilkår og 4000 i bot.

60 tablettar

Det var på vinteren i 2008 at mannen i 20-åra førte narkotika inn i landet via ei postsending frå Argentina. Pakken inneheldt 60 tablettar av merket Alplax, som inneheld det narkotiske verkestoffet Alprazolam.

Tilstod alt

I retten tilstod mannen alt, og retten kunne ikkje finne nemneverdige skjerpande moment. Det har også gått høvesvis lang tid sidan det straffbare forholdet fann stad, og retten legg også til grunn at mannen har slutta med rusmiddel og skaffa seg fast arbeid.