Demonstrasjonen starta med fakkeltog gjennom sentrum, før det var duka for apellar i byparken mellom samfunnshuset og Florø barneskole.

• Les også: Oppmoda til boikott av israelske varer

Krev rettferd

- Folketoga som har vore i landet den siste veka talar eit tydeleg språk. Vi krev rettferd. Israel må stoppe no, sa SV-leiar i Flora, Berit Hovland, under sin apell.

Fleire hadde møtt opp med plakatar og bannarar med bodskap som: SAVE GAZA og Israel ut av Gaza.

- Forferdeleg

Fleire politikarar møtte opp i toget for å vise sin empati til palestinarane. Bystyrerepresentantane Bente Nilsen Halvorsen (SV) og Knut Andor Nesse (Flora Demokratiske Solidariet) deltok begge i fakkeltoget.

• Sjå også: Biletserie frå fredsdemonstrasjon i Førde

- Det er fint å sjå at mange bryr seg. Det er heilt topp, seier Nesse til firda.no og legg til:

- Det er forferdeleg det som skjer der nede. Vi må prøve å skape fred.

Bøe utan flagg

Erlend Bøe, fylkesleiar i FpU, fekk med seg fakkeltoget frå sidelinja. Han hadde ikkje tatt med seg det israelske flagget på grunn av drapstrugsmåla som han fekk etter at han viste empati til Israel.

• Les også: Erlend får tilbod om valdsalarm

- Ytringsfridomen er viktig. Eg let meg ikkje knekke sjølv om det ikkje er noko kjekt å bli truga på livet, seier Bøe til firda.no.