– Eg sat og arbeidde framfor datamaskina og tok meg nokre slurkar av ølflaska. Så kjende eg plutseleg noko spist i munnen, og spytta ut. Det var denne spisse glasbiten, seier Øverebø.

Den over ein centimer store glasbiten har ujamne kantar, og kjennest spiss å ta på.

– Kunne øydelagt magen

– Kva hadde skjedd om eg hadde fått denne i magesekken, spør Øvrebø og ristar på hovudet.

– Det hadde øydelagt magen fullstendig. Eg hadde flaks som ikkje svelgde heile biten. Hadde eg fått skader på grunn av glasbiten, hadde eg saksøkt Ringnes. Men heldigvis vart dette ikkje fult så dramatisk, smiler han.

Håpar resten er ok

Øvrebø kjem ikkje til å krevje noko av Ringnes, som tappar ølet på flaske. Han er meir nyfiken på korleis biten kom opp i flaska.

– Eg kjem ikkje til å ta kontakt med Ringnes, men lurer på kva som kan skjedd då biten hamna i flaska. For flaska eg drakk av er heil, så glasbiten kan ikkje ha komme frå den. Eg har fem flasker att av sekspakningen, og eg vil nok drikke dei. Men eg må vel fram med ei sil for å vere heilt sikker på at det ikkje er fleire glasbitar på avvege, ler han.

– Må sende flaska til oss

Kommunikasjonsmedarbeidar i Ringnes, Bjørn Thorvaldsen, oppmodar Øvrebø til å sende inn flaska til dei.

– Ringnes har strenge kvalitets- og vedlikehaldsrutinar. Men for å kunne seie noko om kva som har skjedd, må vi ha flaska inn til analyse. På Munkholm-flaska står eit telefonnummer Øvrebø kan ringe: Då får han vite kvar han skal sende flaska, seier Thorvaldsen.