Styggedom
Det var for to veker sidan at fleire bygningar i Førde sentrum vart funne tilgrisa med spraymåling. Blant desse var Bedehuset der det var skrive tekst som kunne adresserast som eit angrep på kristenfolkets haldningar til homofili.

– Eg er klar over at det er folk som ser Bedehuset som styggedom, men tagging er noko som vi ikkje har vore plaga med tidlegare sa leiar i Førde Normisjon, Kåre Vølstad til Firda 22. oktober.

Mange tips
Politiet hadde då få spor å gå etter og inviterte publikum til å komme med tips. Det gav resultat.

– Denne saka er løyst ved hjelp av godt politiarbeid der mange små tips er blitt brikker som til sist gav oss eit bilete, seier Tvinde.
Dei sikta har tilstått forhold til tagging på Bedehuset, Rødekors-bygget og Førde Torg. Gjerningsmennene har avkrefta at det ligg noko politisk eller religiøst motiv bak tekstane på bedehuset.

– Der var ein eigna vegg til å skrive på. Det er heile forklaringa, fortel Tvinde.