Det fryktar mellom anna miljøvernavdelinga til fylkesmannen i Sogn og Fjordane.

Kan kome inn i anlegget

-Det er etter vårt syn ikkje nok å kartleggje kjende hekkeplassar og trekkruter innafor planområdet. Tilstøytande område må også takast med i kartlegging og konsekvensutgreiing, seier Tore Larsen. Han er førstekonsulent ved miljøvernavdelinga til fylkesmannen.

Larsen peiker på at det er ein hekkeplass for havørn like nord for planområdet ved Setenesfjellet. Dette erein fugl som er på lista over truga arter.

-Store rovfuglar nyttar oppdrift langs fjellveggene i området til å stige til søkehøgd på leiting etter byttedyr. Oppdrifta langs Setenesfjellet gjer at desse fuglane regelmessig vil kunne komme inn i den planlagde vindmølleparken, seier han.

Larsen trur det er ein reell fare for at denne truga fuglearten då kan gli inn i slagområdet til mølleblada, med det resultat at ørna vert drepen.

Gulen minst undersøkt

-Det kan i yttarste konsekvens skje, sjølv om kan hende sjansane er små. Vi vil uansett at dei innspela vi kjem med vert tekne inn i konsekvensutgreiingane, seier Larsen.

Han seier elles at den planlagde vindmølleparken ikkje ligg innafor kjende trekkruter eller hekkeområde for andre truga fugleartar.

Men i sine merknader til planarbeidet uttalar miljøvernavdelinga at Gulen er mellom dei kommunane i Sogn og Fjordane som har vore minst undersøkt med omsyn til flora, fauna og naturmiljø generelt. Difor indikerer dei at feltarbeid i mange samanhengar vil verte naudsynt.

Les meir i papirutgåva av Firda tysdag:

FORSKAR: - Rovdyr er svært utsett

FYLKESMANNEN: - Eventuelle inngrep kan ikkje rettast opp