Førdianar med to 1.plassar i lydigheit
Roger Fløholm og hundane hans Sue Siska (13 mnd) og Shiba (3,5) tok godt for seg av premiebordet under lydigheitsstemnet i Ørsta i helga.
-Denne konkurransen var ein kjempemotivasjon for meg, seier Fløholm.
Med sine to Berner sennen-hundar var han einaste deltakar frå Førde Brukshundklubb.
Andre konkurranse
Yngstehunden Sue Siska deltok for andre gong i lydigheitskonkurranse og vann klasse 1. Ho kvalifiserte seg dermed til opprykk i klasse 2 med 187 av 200 oppnåelege poeng.
-Det mest overraskande var resultatet til Siska. Ho er enno veldig ung og virrete. Dessutan har eg prøvd ut ein litt anna måte å trene ho på enn eg har gjort med Shiba, noko som har vist seg å vere rette måten for ho, seier Fløholm.
Snart oppe i elite
Shiba har frå før bak seg mange sigrar både i klasse 1, 2 og 3, og ligg heilt i grenseland til opprykk til elite.
-Vi mangla berre nokre få poeng på å rykkje opp denne gongen, seier Fløholm, som ser fram til neste stemne som vert på heimebane 19. september. Då arrangerer Førde Brukshundklubb sin store lydigheitskonkurranse.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
