Nok ein maimorgon vaknar folk i fylket opp til snø og slaps heilt ned i fjæresteinane, og på enkelte av vegstrekningane gjer snødekke det vanskeleg å komme seg fram.

Korleis påverka snøfallet i natt din tysdagsmorgon? Fortel om dine opplevingar i kommentarfeltet under artikkelen. Du kan også sende bilete til Firda på epostadressa redaksjon@firda.no eller som MMS med teksten FITIPS til telefonnummeret 2005.

Ifølgje rapportane firda.no har fått, var det i morgontimane svært vanskelege køyreforhold på fjellovergangane på riksveg 609 mellom Førde og Askvoll.

På vegmeldingane frå Statens vegvesen går det elles fram at det er snøslaps på fylkesveg 13 over Gaularfjellet, snødekke på riksveg 53 mellom Tyin og Årdal og snødekke over 1200 meter på riksveg 55 over Sognefjellet.

Temperaturane på dei nemnde stadene var i morgontimane heilt nede i minus åtte grader.

Her kan du sjå alle oppdaterte vegmeldingar for fylket.

- Vi har ikkje fått særleg mange meldingar om vanskar på vegane i morgontimane. Stort sett er dei fleste fjellovergangane bare, men det er klart at det kan vere enkelte utfordringar i morgontimane, vert det opplyst frå vegmeldingssentralen i Lærdal.

Vegane vert salta etter behov, og ifølgje vegmeldingssentralen er det blant anna salta på Langeland tysdag morgon.